Македонски
Почетна Активности Ден на побезбеден интернет 2010 во Македонија

Ден на побезбеден интернет 2010 во Македонија PDF Печати Е-пошта
08.02.2010
Метаморфозис го одбележува Денот за побезбеден интернет со потсетување на основните принципи и научни резултати, јавно предавање и учество на јавни расправи.
Одбележуваjќи го Денот на побезбеден интернет 2010, Фондацијата Метаморфозис го објави својот официјален Став во врска со улогата на државата во процесот на заштита на децата од ризици при користење на новите технологии со употреба на системи за филтрирање содржини од интернет и системи за категоризација на компјутерски игри.

Во соопштението, врз основа на светските искуства и релевантните истражувања, се изнесуваат аргументи со кои се покажува дека државните механизми за блокирање на пристап под било кој изговор раѓаат опасност за загрозување на основните човекови права и во најголема мера се покажуваат неефикасни во остварување на зацртаните цели за заштита на децата. Затоа тие претставуваат попусто трошење на ограничените буџетски средства, за кои е покорисно да се вложат во јакнење на јавната свест, образованието и научни студии.

Сите форми на превенција од ризици мора да се засноваат на урамнотежување на потребите за заштита од криминалните дејствија со реално согледување на предностите кои ги носат новите технологии. Едновремено, мора да се воспостават и механизми за транспарентност и отчетност со кои граѓаните ќе имаат директна моќ да спречат или да санираат злоупотреба од страна на надлежните институции. 

Во рамките на одбележувањето на Денот за побезбеден интернет за 2010 година, во Скопје ќе се одржат следните јавни настани:
  • „Размисли пред да постираш“ – интерактивно предавање за ученици во ЕУ Инфоцентарот од страна на Метаморфозис и на Дирекцијата за заштита на лични податоци, од 9:30 до 10:30 часот на 9 февруари.
  • Јавна расправа на тема „Побезбеден интернет“ во Собранието на Република Македонија во организација на Делегацијата на Собранието на РМ во Мешовитиот парламентарен комитет-РМ и ЕУ, од 11 до 13:30 часот, на 9 февруари.
  • Форум за безбедност на децата на интернет на Мајкрософт, од 11 до 13 ч. на 10 февруари во хотел Холидеј ин.

Полезни линкови

Тагови: Ден на побезбеден интернет , Македонија , 2010
Deli.cio.us    Digg    reddit    Facebook    StumbleUpon
 

Наши изданија

ping_logo

Рецензија на сајтови


sajt_na_denot

Creative Commons iconОсвен во случаите каде што не е експлицитно наведено поинаку, содржините на овој веб-сајт се лиценцирани
според лиценцата на Creative Commons Наведи извор-Некомерцијално-Без адаптирани дела 2.5