На 1 април 2011 г. во Клубот на државни служби во Скопје беше одр

жана промоција на Водичот „Како до политика за приватност?“ во рамките на Координативната средба за е-трговија, пред за претставници на е-продавници, процесори на наплати, банки и други чинители од областа на е-трговија.

Истражувањата на кои се заснова Водичот укажуваат дека токму е-продавниците се водечка група веб-локации во земјата според примена на политики за приватност. Во текот на дискусијата беше укажано дека некои од банките бараат е-продавниците кои вршат промет преку нив обврзно да воведат вакви политики, што влијае позитивно на повеќе нивоа.

Водичот за ИКТ бр. 6 “Како до политика за приватност?“ е плод на директна соработка меѓу Фондацијата Метаморфозис и Дирекцијата за заштита на лични податоци (ДЗЛП), објавен на македонски и албански јазик во рамките на проектот Иницијатива за приватност на интернет поддржан од Фондацијата Институт отворено општество - Македонија. Метаморфозис и ДЗЛП го дистрибуираат Водичот бесплатно до сите заинтересирани страни во хартиена форма преку тематски настани, обуки или директна достава, а е достапен и за симнување преку интернет како е-книга објавена под лиценца Криејтив комонс.