Македонски
Почетна ИКТ Вести Свет Слободен софтвер им помага на европските граѓани да поднесуваат претставки до ЕУ
Слободен софтвер им помага на европските граѓани да поднесуваат претставки до ЕУ PDF Печати Е-пошта
06.02.2012
Слободниот софтвер OCS на Европската комисија подготвен за нејзината Граѓанска иницијатива, ќе им олесни на граѓаните да поднесуваат предлози за закони до Комисијата, соопштија претставниците на ЕК на конференција во Брисел одржана минатиот четврток.

Европската граѓанска иницијатива им овозможува на граѓаните на ЕУ директно да учествуваат во развојот на политиките на ЕУ, повикувајќи ја Европската комисија да поднесува предлози за закони. Иницијативата официјално ја отвори заменик-претседателот на Комисијата Марош Шефчовиќ минатиот четврток за време на конференцијата во Брисел.

За да се предложи закон до Европската комисија, групите ќе мора да соберат најмалку еден милион потписи од најмалку седум од 27-те земји-членки.

Претставниците на ЕК вклучени во развивањето на овој софтвер се надеваат дека заинтересираните програмери на слободен софтвер ќе создадат мобилни апликации со врски до OCS и дека ќе развиваат софтвер кој ги интегрира друштвените мрежи.

За да се намали прагот за поднесување петиции, програмата ISA на Европската комисија (Решенија за интероперабилност за европските јавни администрации) го разви софтверот OCS. Алатката им помага на корисниците да ги снимаат, зачувуваат и поднесуваат потписите.

Извор: Joinup.eu „Open source software assists European citizens to petition the EU“

Тагови: OCS , ISA , петиција , претставка
 

Наши изданија

ping_logo

Приватност на интернет на лесен начин

Filmovi-opme
Igri-opme

sajt_na_denot
sakas_da_volontiras

Creative Commons iconОсвен во случаите каде што не е експлицитно наведено поинаку, содржините на овој веб-сајт се лиценцирани
според лиценцата на Creative Commons Наведи извор-Некомерцијално-Без адаптирани дела 2.5